Quirino – Naaresto ang tinaguriang Top 10 Most Wanted Person ng Cagayan (Women and Child Protection Desk Level) sa Manhunt Operation ng mga kapulisan ng Cagayan nito lamang Biyernes, Marso 11, 2022.
Kinilala ni Police Brigadier General Steve Ludan, Regional Director ng Police Regional Office 2 ang suspek na si Armando Kimmayong y Taquiling alyas Armando Kimmayong y Tultog, 58, residente ng Barangay Ampakleng, Diadi, Nueva Vizcaya.
Ayon kay PBGen Ludan, naaresto ang suspek sa Barangay Progreso, Aglipay, Quirino sa pinagsanib na puwersa ng Diadi Police Station, Criminal Investigation and Detection Group-Provincial Field Unit-Nueva Vizcaya, Provincial Intelligence Unit-Nueva Vizcaya PPO, Regional Intelligence Unit 2-Provincial Intelligence Team Nueva Vizcaya at 1st Nueva Vizcaya Provincial Mobile Force Company.
Ayon pa kay PBGen Ludan, naaresto ang suspek sa bisa ng Warrant of Arrest para sa kasong Rape (8 counts) sa ilalim ng RA 7610 na inilabas ni Hon. Judge Rogelio P. Corpuz, Presiding Judge ng Regional Trial Court, Branch 29 sa Bayombong, Nueva Vizcaya na may Criminal Case no. 7272-7279 at walang piyansang nirekomenda.
Dagdag pa ni PBGen Ludan, sinamantala umano ng suspek ang pagiging inosente ng kanyang apat na taong gulang na anak na babae at ginahasa ito sa iba’t ibang okasyon (8 counts) noong 2013.
Ang Pambansang Pulisya ay mas papaigtingin ang kampanya laban sa kriminalidad para mahuli ang mga lumalabag sa batas lalo na sa mga umaabuso sa mga bata at kababaihan.
###
Panulat ni Police Corporal Carla Mae P Canapi
