Bacolod City – Tinatayang Php768,400 halaga ng shabu ang nakumpiska at pagkaaresto sa 2 High Value Individual sa buy-bust operation ng kapulisan ng Bacolod City nito lamang Martes, Marso 8, 2022.
Kinilala ni Police Colonel Thomas Joseph I Martir, City Director, Bacolod City Police Office, ang mga suspek na sina Roberto Alcalde Dingcong alyas “Ar-ar”, 41 at Jenny Babes Ogahyon Montealto, 25.
Ayon kay Police Colonel Martir, si Dingcong at Montealto ay nahuli sa Gardenville Subd., Brgy. Tangub, Bacolod City, Negros Occidental ng mga operatiba ng Bacolod City Drug Enforcement Unit.
Ayon pa kay Police Colonel Martir, nakuha sa mga suspek ang 15 sachet at isang nakataling plastic bag na may lamang shabu na may bigat na 113 na gramo at may Standard Drug Price na Php768,400.
Ang mga suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
Samantala, pinuri naman ni Police Colonel Martir ang mga operatiba sa matagumpay na operasyon at tiniyak na paiigtingin pa ang pagpapatupad sa mas pinalawak na kampanya ng PNP laban sa mga ipinagbabawal na droga at iba pang uri ng krimen sa naturang lungsod.
###
Panulat ni Patrolman Kher D Bargamento
