Polilio, Quezon – Naaresto ang Top 1 Most Wanted Person ng CALABARZON sa isinagawang Manhunt Charlie ng operatiba ng Quezon noong Marso 7, 2022.
Kinilala ni Police Captain Christopher Reaño, Chief of Police ng Polilio Municipal Police Station ang naarestong suspek na si Ricky G De Guzman, 44, walang trabaho, tubong Mindoro, residente ng Sitio Malaki, Brgy. Pamatdan, Polilio, Quezon.
Ayon kay Police Captain Reaño, ang suspek ay naaresto sa Barangay Libjo, Polilio, Quezon sa pinagsanib puwersa ng Polilio Municipal Police Station at Regional Intelligence Division 4A.
Ayon pa kay Police Captain Reaño, naaresto ang suspek sa bisa ng Warrant of Arrest para sa kasong 28 counts of Rape and two counts of Acts of Lasciviousness sa ilalim ng Criminal Case Number 2022-22-I to 2022-25-I, 2022-27-I to 2022-50-I, 2022-26-I at 2022-51-I na inilabas ni Honorable Raymund Joseph M Soroñgon, Acting Presiding Judge of Regional Trial Court Branch 65 ng Infanta, Quezon noong Pebrero 23, 2022 at walang inirekomendang piyansa.
Ang kapulisan ng Polilio ay mas paiigtingin pa ang kampanya laban sa kriminalidad at terorismo upang mapanatili ang katahimikan at kaayusan sa kanilang nasasakupan.
###
Panulat ni Police Staff Sergeant Grace Neville L Ortiz
