Manggahan, Pasig City – Naaresto ang isang tinaguriang bigtime pusher ng Pasig sa ginawang buy-bust ng pulisya nito lamang Lunes, Marso 7, 2022.
Kinilala ni PBGen Orlando Yebra Jr, District Director ng Eastern Police District ang suspek na si Wilfredo Barroda Jr y Aquino alias “Jonjon”, 41.
Ayon Kay PBGen Yebra Jr, bandang 8:30 ng gabi nahuli ang suspek sa #343 Amang Rodriguez Ave, Tierra Verde Village, Brgy. Manggahan, Pasig City sa pinagsanib puwersa ng Operating Unit Operatives ng DDEU, DID, DSOU, DECU-EPD, F2-DMFB EPD, QCDIT RIUNCR-IG at 7th MFC RMFB, at NCRPO kasama ang ADCOP.
Ayon pa kay PBGen Yebra Jr, nagkaroon ng transaksyon ang police poseur-buyer sa suspek at nakabili ito ng isang heat sealed transparent plastic sachet na naglalaman ng hinihinalang shabu na nagkakahalaga ng Php30,500.
Kasama sa nabiling shabu ang pagkakakumpiska rin mula sa kanyang posesyon ang apat na piraso ng heat sealed transparent plastic sachet na naglalaman rin ng hinihinalang shabu na tumitimbang ng 77 gramo at tinatayang nagkakahalaga ng Php523,600; isang genuine Php500 bill na narekober bilang buy-bust money; 30 pirasong Php1000 bill boodle money; at isang pirasong itim na cellphone pouch.
Paglabag sa RA 9165 o Comprehensive Dangerous Drugs Act of 2002 ang kakaharaping kaso ng suspek.
“Ang Pambansang Pulisya ay patuloy na susugpuin at paiigtingin ang kampanya kontra ilegal na droga”, dagdag ni PBGen Yebra Jr.
Source: NCRPO SMS REF# 3-08-2022-1084
###
