Badian, Cebu – Sugatan ang isang babae ng pagsasaksakin ng kanyang mister sa loob ng kanilang tahanan sa Badian, Cebu nito lamang Miyerkules ng gabi, Marso 2, 2022.
Kinilala ni PLt Etelberto Temagos, Hepe ng Badian Municipal Police Station, ang suspek na si Rolly Duerma Saldua, 30, at ang biktima naman ay si Jinjin Cahayagan Saldua, 27, na parehong residente ng Barangay Manduyong, Badian, Cebu.
Ayon kay PLt Temagos, nagkaroon ng mainit na pagtatalo ang mag-asawa ng dahil umano sa selos na nagresulta sa pananaksak ng suspek sa biktima.
Agarang rumesponde ang Badian PNP at nagsagawa ng hot pursuit operation matapos makatanggap ng tawag patungkol sa insidente na nagresulta sa pagkahuli ng suspek.
Ayon pa kay PLt Temagos, ang biktimang si Jinjin ay agarang dinala sa Badian District Hospital upang malapatan ng lunas.
Nahaharap ang suspek sa kasong paglabag sa RA 246 (Frustrated Parricide).
Ang Bandian PNP ay hindi hahayaang makawala sa kamay ng awtoridad ang mga taong gumagawa ng krimen sa kanilang kapwa at komunidad.
###
Panulat ni Patrolman Edmersan Llapitan
