Nasabat ang Php1,020,000 halaga ng shabu mula sa naarestong High Value Target sa isinagawang buy-bust operation ng mga otoridad sa Barangay Kabuntalan, Sultan Kudarat, Maguindanao del Norte nito lamang ika-23 ng Mayo 2025.
Kinilala nila Police Lieutenant Colonel Esmael A. Madin, Officer-In-Charge ng Sultan Kudarat Municipal Police Station, ang suspek na si alyas “Soy”, HVT, 42 anyos na residente ng Barangay Kitango, Datu Saudi Ampatuan, Maguindanao del Sur.
Bandang 3:55 ng tanghali ng nasabing petsa nang isagawa ang operasyon sa pinagsanib pwersa ng mga operatiba ng Sultan Kudarat MPS, RMFB14, RIAT PRO BAR at PIU Maguindanao del Norte PPO na nagresulta sa pagkakaaresto ng suspek at pagkakakumpiska ng mga iligal na droga.
Nasabat sa operasyon ang tatlong piraso ng heat-sealed transparent plastic sachets na naglalaman ng hinihanalang shabu na may timbang na 150 gramo at nagkakahalaga ng Php1,020,000; dalawang bundle ng tig-isang libong pisong pekeng pera at isang cellphone.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy ang Maguindanao del Norte PNP sa mas lalong pagpapaigting ng kampanya kontra iligal na droga upang masiguro ang kaligtasan ng bawat mamamayan.
Panulat ni Pat Veronica Laggui
