Isang Philippine Serpent Eagle ang nailigtas at nasa pangangalaga ng CENRO, Ilagan City sa Fuyot Spring National Park, Ilagan Sanctuary, Sta. Victoria, Lungsod ng Ilagan, Isabela kahapon, Oktubre 5.
Ang Agila ay nakita at na-rescue ng isang Barangay Tanod sa overflow bridge ng Barangay Alicaocao sa Cauayan City, Isabela.
Bilang miyembro ng KaligKasan Advocacy Group, ipinagbigay alam nito sa Cauayan City Police Station, na agad namang pinuntahan at kinuha ng mga kapulisan.
Ang nakitang agila ay pinangalanang Lewin na kalaunan ay inilipat sa pangangalaga ng Fuyot Spring National Park sa pangunguna ni Mr. Arvin Perez, Officer-in-Charge.
Ang pagturn-over ng Cauayan City Police Station ng Isabela Police Provincial Office sa nailigtas na Philippine Serpent Eagle ay nasaksihan ni Mr. Jasper Camonay, President ng Kabalikat Civicom Cauayan City Chapter; KaligKasan Advocacy Group-Cauayan City; at CENRO, Ilagan City.
Ang pagbibigay proteksyon sa agila ay pagpapakita ng isang magandang halimbawa ng pagiging makakalikasan.
Ang Philippine Serpent Eagle ay endemic o matatagpuan lamang dito sa bansa. Ito ay karaniwang makikita sa mga kagubatan o sa mga lugar na madaming puno.
####
Article by Police Corporal Carla Mae P Canapi
