Isinagawa ang PNP Wide Annual Inspection of Disaster Response Equipment upang masigurado ang kahandaan sa pagtugon ng mga kalamidad lalong-lalo na ngayong papalapit ang tag-ulan sa Police Regional Office 12 Covered Court, Barangay Tambler, General Santos City nito lamang ika-21 ng Mayo 2025.
Pinangunahan ni Police Brigadier General Arnold P Ardiente, Police Regional Director ng PRO 12, ang pag-inspeksyon sa mga kagamitan kasama ang Regional Staff.
Kabilang sa mga sinuri ang mga SAR equipment, grab bags at mga patrol vehicles upang matiyak ang kahandaan ng kapulisan sa pagresponde sa panahon ng kalamidad.
Ang aktibidad na ito ay naglalayong masigurado na maayos ang mga kagamitan upang masigurado na hindi makaapekto sa operasyon sa panahon ng sakuna.
Tinitiyak din na kumpleto ang mga kagamitan at handa anumang oras na gagamitin. Sa pamamagitan ng regular na inspeksyon at pagpapalakas ng kakayahan ng mga kapulisan ay mapapanatili ang kaligtasan ng publiko sa oras ng kalamidad.
Panulat ni Patrolwoman Vina C Morales
