Nakiisa ang mga tauhan ng Zamboanga City Police Office sa paggunita sa “Dia de Gen. Vicente Alvarez” nito lamang Linggo, Mayo 18, 2025 bandang 5:00 ng hapon sa Plaza Vicente, na mas kilala rin bilang Plaza Roma, Zamboanga City.
Ang aktibidad ay ginawa upang bigyang-pugay sa kabayanihan at kagitingan ni Heneral Vicente Alvarez, isa sa mga pinaka-iginagalang na bayani ng Zamboanga.
Nagsimula ito sa isang wreath-laying ceremony at sinundan ng isang programa bilang pag-alala sa mga naiambag ng heneral sa kasaysayan ng lungsod.
Taun-taon ginugunita ang araw na ito upang bigyang-halaga ang kabayanihan ni Heneral Alvarez, na kilala sa kanyang katapangan at pamumuno sa pagtatanggol sa Zamboanga mula sa mga mananakop.
Ang pakikibahagi ng Zamboanga City Police Office ay patunay ng kanilang patuloy na pagsuporta sa mga adhikain ng makabayang serbisyo, katapangan, at pagmamalasakit sa bayan — mga prinsipyong isinabuhay ni Heneral Alvarez.
Panulat ni Pat Joyce Franco
