Nasabat ng mga operatiba ng Police Regional Office 13 ang smuggled at pekeng sigarilyo na nagkakahalaga ng humigit-kumulang Php932,550 sa mga isinagawang operasyon mula Mayo 1-Mayo 18, 2025.
Ayon kay Police Brigadier General Christopher N. Abrahano, PRO 13 Regional Director, siyam na suspek ang naaresto sa iba’t ibang panig ng rehiyon ng Caraga.
Pinakamalaki ang nakumpiska sa Surigao del Norte Police Provincial Office na umabot sa Php857,400.
Sinundan ito ng Surigao del Sur PPO, na may Php68,800, at Agusan del Sur PPO na may Php6,350 halaga ng sigarilyo.
Noong Mayo 18, sa isinagawang operasyon ng Intelligence Unit ng Surigao del Norte PPO sa bayan ng Claver, naaresto sina alyas “Allan” at “Edna,” kapwa residente ng Butuan City.
Nasamsam mula sa apat na suspek ang kahon ng Delta cigarettes na nagkakahalaga ng Php72,000, tatlong kahon ng Casa Blanca cigarettes na nagkakahalaga ng Php54,000, at 33 kahon ng Cannon Menthol cigarettes na may halagang Php595,000.
Sa hiwalay na operasyon sa Barangay 1, Dapa, Surigao del Norte, naaresto naman si alyas “Ismael” dahil sa pagkakaroon ng 300 reams ng Delta cigarettes na nagkakahalaga ng Php120,000.
Ang mga naarestong indibidwal ay kinasuhan ng paglabag sa Republic Act 10643, o ang “Graphic Health Warnings Law”.
“Our campaign against smuggled cigarettes remains relentless. Let this serve as a warning to all those who continue to engage in illegal and counterfeit products—you will eventually be caught by the law,” ani PBGen Abrahano.
Panulat ni Pat Karen Mallillin
