Kabuuang 30 wanted persons ang arestado sa dalawang araw na “Oplan Pagtugis” ng Criminal Investigation and Detection Group (CIDG) noong Mayo 12 hanggang Mayo 13, taong kasalukuyan.
Sa 30 pugante, 17 ang nahuli sa Luzon, lima (5) sa Visayas at walo (8) sa Mindanao sa bisa ng Warrants of Arrest para sa kasong Rape, Statutory Rape, Acts of Lasciviousness in relation to RA 7610, RA 7610, Murder, RA 7610, at iba pa.
Dalawa (2) sa mga arestado ang kabilang sa mga Most Wanted Persons sa Regional Level ng Central Visayas at Davao Region dahil sa paglabag sa Republic Act 9165 at Statutory Rape. Apat (4) naman ang Most Wanted Persons sa Provincial Level ng mga lalawigan ng Lanao Del Sur, North Cotabato, Davao del Norte, Nueva Viscaya habang isa (1) ang naitala sa District Level ng Northern Police District.
Pinuri at pinasalamatan ni Police Major General Nicolas D. Torre III, Director ng CIDG, ang CIDG Regional and Provincial Field Units and Detection and Special Operations (DSOU) sa kanilang pagsisikap at matatag na paninindigan para hulihin ang mga suspek sa araw ng halalan at pagkatapos ng canvassing of votes.
Aniya, “…Sa mga pag-arestong ito, natulungan namin ang 30 biktima at pamilya na makamit ang hustisyang nararapat sa kanila. Binibigyang-diin nito ang iyong walang humpay na pagsisikap at matatag na paninindigan laban sa mga wanted na tao at mga takas 24/7, walang holidays, mga araw ng paghuhuli lamang. Maraming Salamat sa inyo.”
Patuloy na naninindigan ang buong pulisya, sa liderato ni PNP Chief, Police General Rommel Francisco D. Marbil, sa kanilang mas pinaigting na kampanya laban sa mga krimen sa bansa at walang humpay na operasyon upang panatilihin ang kaayusan sa bansa.
