Nahuli na ng Criminal Investigation and Detection Group (CIDG) ang isang suspek na 15 taon nang nagtatago sa batas sa kasong panggagahasa noong Mayo 14, 2025 sa Barangay Aguisan, Himamaylan City, Negros Occidental.
Ayon kay Police Major General Nicolas D Torre III, Director ng CIDG, nahuli ng pinagsanib na pwersa ng CIDG Negros Occidental Provincial Field Unit ng bagong itinatag na CIDG Negros Island Region (NIR) kasama ang mga territorial police units ang suspek na kinilalang si alyas “Alejandro” sa bisa ng Warrant of Arrest sa kasong Rape (2 counts).
Sa loob ng halos 16 na taon, si Alejandro ay nagtatago at iniiwasan ang pagkakaaresto nito hanggang sa may isang concerned citizen na miyembro ng Barangay Intelligence Network (BIN) ng CIDG Negros Occidental Provincial Field Unit, ang nakakita sa kanya at agad na iniulat ang impormasyon sa CIDG, at kalaunan, ang suspek ay naaresto.
“I commend the CIDG Negros Occidental Provincial Field Unit and our vigilant and valiant member of BIN for the successful arrest of this elusive accused. With his arrest, we helped the victim and her family attain the justice they deserved,” ani PMGen Torre III.
