Naaresto ng Caoayan PNP ang tinaguriang Top 1 Municipal Most Wanted Person sa kasong Lascivious Conduct sa Barangay Don Dimas Querubin, , Caoayan, Ilocos Sur nitong Martes, ika-13 ng Mayo, 2025.
Kinilala ni Police Captain Lyka S Bayasbas, Officer-In-Charge ng Caoayan Municipal Police Station, ang suspek na si alyas “Innong”, 76 taong gulang at residente ng Barangay Pandan, Caoayan, Ilocos Sur.
Naaresto ang suspek sa bisa ng Warrant of Arrest sa kasong Lascivious Conduct na may itinakdang piyansa na Php200,000.
Patuloy na gagampanan ng mga kapulisan ang kanilang mandato na tugisin at hulihin ang mga indibidwal na may pananagutan sa batas upang mabigyan ng hustisya ang kanilang mga biktima.
Source: Caoayan Municipal Police Station, Ilocos Sur Police Provincial Office
