Masusing iniimbestigahan ngayon ng Lanao del Sur Police Provincial Office ang insidente ng pagsabog ng hinihinalang granada at mga narinig na putok ng baril na naganap kaninang alas-9:00 ng umaga sa Sitio Baklayan, Barangay Panggawalupa, bayan ng Calanogas, Lanao del Sur.
Sa ulat ni Police Major Basher A. Salahuddin, Hepe ng Public Information Office at Chief ng PCADU ng Lanao del Sur PPO, tiniyak nitong walang nasaktan o nasirang pasilidad sa naturang insidente.
Dagdag pa ng opisyal, lalo pang pinaigting ang seguridad sa nasabing lugar upang matiyak ang kaligtasan ng mga residente at mapanatili ang kaayusan sa komunidad.
Patuloy ang imbestigasyon upang matukoy ang mga nasa likod ng insidente at ang tunay na motibo sa likod nito.
