Arestado ang isang High Value Individual (HVI) at nakumpiska ang tinatayang Php364,480 halaga ng hinihinalang shabu sa isinagawang buy-bust operation sa loob ng Navotas Public Cemetery, Barangay San Jose, Navotas City bandang 10:47 ng gabi nito lamang Biyernes, Mayo 9, 2025.
Kinilala ni Police Colonel Mario C. Cortes, Hepe ng Navotas City Police Station, ang suspek na si alyas “Dey Dey,” 23-anyos, residente ng Barangay Tangos South, Navotas City.
Nakumpiska sa pag-iingat ng suspek ang humigit-kumulang 53.6 gramo ng hinihinalang shabu na may markang JT1, JT2, at JT3., Php500 bill bilang marked money at pitong (7) piraso ng Php1,000 boodle money.
Nahaharap sa kasong paglabag sa Sections 5 (Pagbebenta) at 11 (Pag-iingat) ng Article II ng Republic Act 9165 o ang “Comprehensive Dangerous Drugs Act of 2002” ang suspek.
Pinuri naman ni Police Brigadier General Josefino D. Ligan, District Director ng Northern Police District, ang matagumpay na operasyon. “Ang pagkakaaresto sa High Value Individual ay patunay ng ating matibay na paninindigan kontra droga. Hindi tayo hihinto hangga’t hindi natin napapalaya ang CAMANAVA sa banta ng droga,”
Source: NPD PIO
Panulat ni PMSg Remelin M Gargantos
