Arestado ng mga operatiba ng Pasay City Police Station ang suspek na si alyas “Alex,” ang Top 4 Most Wanted Person sa buong Southern Police District (SPD) para sa buwan ng Mayo 2025, dakong 3:45 ng hapon nito lamang Mayo 6, 2025 sa kahabaan ng Mulawin Street, Barangay 182, Pasay City.
Ayon kay Police Colonel Joselito M. De Sesto, Acting Chief of Police, Pasay City Police Station, inaresto ang 55-anyos na suspek sa bisa ng Warrant of Arrest para sa kasong Acts of Lasciviousness na may inirekomendang piyansa na Php180,000,
Pahayag ni PBGen Joseph R. Arguelles, Acting District Director ng SPD, “Pinupuri ko ang Pasay City Police Station sa maagap at eksaktong pag-aresto sa isa sa ating mga Top Most Wanted. Ang operasyong ito ay patunay ng matatag na paninindigan ng ating kapulisan na itaguyod ang hustisya at mapanatili ang kaligtasan ng ating mga komunidad. Patuloy tayong magsasagawa ng operasyon laban sa kriminalidad hanggang ang lahat ng may sala ay mapanagot sa batas.”
Source: SPD PIO
Panulat ni PMSg Remelin M Gargantos
