Sinimulan ng Police Regional Office 12 ang Multi-Agency Send-Off Ceremony nito lamang Huwebes, Mayo 8, 2025 sa Camp Gen. Paulino T. Santos, Tambler, General Santos City.
Ang makabuluhang aktibidad na ito ay hudyat ng full deployment ng mga kapulisan at iba pang katuwang na ahensya para tiyakin ang mapayapa, maayos, at tapat na pagdaraos ng National at Local Elections sa darating na Mayo 12, 2025.
Pinangunahan ni Police Brigadier General Arnold P Ardiente, Regional Director ng PRO 12, ang nasabing seremonya na nilahukan ng mga kinatawan mula sa Armed Forces of the Philippines (AFP), Commission on Elections (COMELEC), Bureau of Fire Protection (BFP), Philippine Coast Guard (PCG), at iba pang force multipliers mula sa mga lokal na pamahalaan at civil society organizations. Ang sama-samang presensya ng mga ahensya ay patunay ng matibay na ugnayan at iisang layunin: isang ligtas at patas na halalan para sa mamamayang Pilipino.
“Zero Violence During Election Day.” Ayon sa kanya, ang pagpapalakas ng presensya ng kapulisan sa mga pamayanan ay mahalagang hakbang upang maiwasan ang anumang uri ng pananakot, karahasan, at iregularidad sa panahon ng halalan. Idinagdag pa niya na ang deployment ay hindi lamang pisikal na presensya, kundi isang malinaw na pahayag ng PNP sa kanilang panata na protektahan ang karapatang bumoto ng bawat Pilipino,” pahayag ni RD Ardiente.
