Timbog ang isang miyebro ng MILF Bangsamoro Islamic Armed Forces, matapos mahulihan ng iligal na baril sa isinagawang Oplan Paglalansag Omega ng CIDG Cotabato CFU sa Barangay Magaslong, Datu Piang, Maguindanao del Sur nito lamang ika-5 ng Mayo 2025.
Kinilala ni Police Lieutenant Colonel Arbel Mercullo, Acting Regional Chief ng Criminal Investigation and Detection Group – Regional Field Unit BAR ang nasawing suspek na si alyas “Hil”, nasa hustong gulang.
Ayon sa ulat, bandang 4:45 ng hapon nang isagawa ng CIDG Cotabato CFU ang naturang operasyon matapos mabistong sangkot ang suspek sa ilegal na pagbebenta ng baril.
Nakumpiska mula sa suspek ang isang unit ng cal. 5.56mm Spike’s Tactical rifle; Php1,000 bill at 99 Php1,000 bill bilang boodle money.
Mahaharap ang suspek sa kasong paglabag Section 32 ng Republic Act 10591 o “Comprehensive Firearms and Ammunition Regulation Act” at COMELEC Resolution No. 11067.
Ang matagumpay na operasyon na ito ay patunay ng masigasig ang mga kapulisan sa pagpapatupad ng batas upang masugpo ang mga iligal na gawain sa lugar.
Panulat ni Pat Veronica Laggui
