Pinagtibay ng PNP na tukoy na nila ang pagkakakilanlan ng isang vlogger na siya di umano ang nagpakalat ng maling impormasyon na ire-raid ang bahay ni dating Pangulong Rodrigo Duterte sa Davao City.
Ayon kay PNP Chief, Police General Rommel Francisco D Marbil, natukoy ang naturang vlogger sa pamamagitan ng masusing imbestigasyon ng PNP Anti-Cybercrime Group.
Dagdag pa ng Hepe na pina-freeze na rin aniya ang ebidensya at hinahanda na rin ang kaso na isasampa sa naturang indibidwal.
Sa kabila ng kabi-kabilang imbestigasyon kaugnay sa fake news at iba pang mga iregularidad na nangyayari sa social media, pinaalalahanan pa rin ng PNP ang publiko na maging mapanuri sa pagtanggap ng mga impormasyon at balita lalo na ang pag-share sa kani-kanilang personal social media accounts, sapagkat hindi lahat ng kanilang nakikita ay totoo at galing sa mapagkakatiwalaang source.
Source: 105.1 Brigada News FM Manila
