Timbog ang tinaguriang Top 7 na drug suspek sa ikinasang buy-bust operation ng mga operatiba ng pulisya sa Barangay Candahug, Palo, Leyte nito lamang Mayo 2, 2025.
Kinilala ni Police Lieutenant Rameses S Bardillon, Chief ng Leyte Provincial Drug Enforcement Unit, ang suspek na si alyas “Laling”, 33 anyos at residente ng Barangay Candahug, Palo, Leyte.
Bandang 1:35 ng hapon nang ikasa ang operasyon ng mga tauhan ng Leyte Provincial Drug Enforcement Unit kasama ang Palo Municipal Police Station- Station Drug Enforcement Unit at Leyte Provincial Intelligence Unit sa koordinasyon sa Philippine Drug Enforcement Agency 8.
Nakumpiska mula sa suspek ang tatlong (3) pakete ng hinihinalang shabu na may tinatayang timbang na 7.8 gramo na nagkakahalaga ng Php53,040, isang genuine 500-peso bill na ginamit bilang buy-bust money at mga drug paraphernalia.
Mahaharap ang suspek sa kasong paglabag sa Section 5 at 11 Article II ng Republic Act 9165 o “Comprehensive Dangerous Drugs Act of 2002”.
Patuloy na pinapaigting ng Pambansang Pulisya ang kampanya laban sa ilegal na droga at iba pang uri ng krimen upang matiyak ang kaligtasan at seguridad ng mamamayan, tungo sa mas ligtas at drug-free na lipunan.
Panulat ni Patrolwoman Ma. Elena B Singian
