Bilang paghahanda sa nalalapit na 2025 Midterm National and Local Elections, nagsagawa ng Bomb Threat Simulation Exercise (SIMEX) ang mga emergency responders ng Tapaz nito lamang ika-2 ng Mayo, 2025 sa Barangay Cristina, Tapaz, Capiz.
Pinangunahan ang aktibidad ng Tapaz Municipal Police Station (PNP), Bureau of Fire Protection (BFP), Special Weapons and Tactics (SWAT), Scene of the Crime Operatives (SOCO), Philippine Army, Municipal Disaster Risk Reduction and Management Office (MDRRMO), at Municipal Health Office.
Layunin ng aktibidad na subukin ang kahandaan, kakayahan, at koordinasyon ng iba’t ibang ahensya sa pagtugon sa mga banta ng seguridad tulad ng bomb threat.
Sa pamamagitan ng simulated bomb threat scenario, nasubok ang response protocols, inter-agency communication, at mabilisang aksyon ng mga tauhan.
Mahalaga ang ganitong aktibidad upang matukoy ang mga kakulangan o gaps sa proseso at agarang mahanapan ng solusyon bago pa man dumating ang totoong insidente.
Ang matagumpay na pagsasagawa ng SIMEX ay patunay ng matatag na pagtutulungan at dedikasyon ng mga Tapaz emergency responders sa pagbibigay ng proteksyon at kaligtasan sa publiko.
Nagsisilbi rin itong paalala sa kahalagahan ng preparedness at aktibong pakikilahok ng bawat ahensya sa panahon ng emerhensiya o sakuna.
Ipinapakita ng aktibidad na ito ang patuloy na pangako ng kapulisan ng Tapaz katuwang ang lokal na pamahalaan ng Tapaz at ng mga kaugnay na ahensya sa pagsusulong ng isang ligtas at maayos na halalan sa 2025.
Source: Tapaz Information Office
Panulat ni Pat Ledilyn Bansagon
