Arestado ang apat na hinihinalang drug personalities, kabilang ang isang High Value Target (HVT) sa ikinasang buy-bust operation ng Station Drug Enforcement Unit (SDEU) ng Caloocan City Police Station bandang 1:20 ng madaling araw nito lamang Mayo 2, 2025 sa No. 132 Birds of Paradise Street, Libis Nadurata, Barangay 18, Caloocan City.
Kinilala ni Police Brigadier General Josefino Ligan, District Director ng Northern Police District, ang mga suspek na sina alyas “Kosa,” 46-anyos, tricycle driver; alyas “Bekbek,” 30-anyos, walang trabaho; alyas “Malou,” 46-anyos, jobless, taga-Tondo, Maynila; at alyas “Cris,” 45-anyos, pedicab driver, residente rin ng Tondo.
Nasamsam mula sa mga suspek ang limang heat-sealed sachets ng hinihinalang shabu na may kabuuang timbang na humigit-kumulang 50 gramo at may tinatayang Standard Drug Price na Php340,000, isang genuine Php500 bill, anim (6) na pirasong boodle money (Php1,000), at isang (1) dilaw na sling bag.
Mahaharap ang mga suspek sa kasong paglabag sa Sections 5, 11, at 26 ng Article II ng Republic Act 9165 o “Comprehensive Dangerous Drugs Act of 2002.”
Pinuri ni PBGen Ligan ang Caloocan City Police Station sa matagumpay na operasyon bilang bahagi ng pagpapatupad ng AAA Strategy ng NCRPO—Able, Active, at Allied—na isinusulong ni PMGen Anthony A. Aberin upang sugpuin ang kriminalidad at iligal na droga sa Metro Manila.
Source: NPD PIO
Panulat ni PMSg Remelin M Gargantos
