Mariing binalaan ng Pambansang Pulisya ang lahat ng mga indibidwal na nagsisilbing mga “conduits” ng iligal na pondo o pera na maaaring ginagamit sa iba’t ibang uri ng krimen sa buong bansa.
Ayon kay Police General Rommel Francisco D Marbil, PNP Chief, hindi papalagpasin ng PNP ang sinumang mapatunayang tumutulong o pumapabor sa mga sindikato sa pamamagitan ng kanilang mga negosyo.
Dagdag pa ng PNP, na patuloy pa rin ang buong hanay sa pagtugis sa lahat ng mga kriminal kabilang na ang kanilang mga kasabwat saan mang sulok ng bansa upang mapanagot sa batas at mabigyang hustisya ang kanilang mga naging biktima.
Samantala pinaalalahanan naman ng PNP ang publiko na huwag mag-atubiling ireport sa mga awtoridad sakaling mayroong maiulat na iligal na aktibidad o pangyayari sa kani-kanilang mga lugar.
