Nanawagan sa publiko ang Philippine National Police ng mapayapa at makabuluhang pagdiriwang ng Araw ng Manggagawa sa iba’t ibang bahagi ng bansa nito lamang Huwebes, Mayo 1, 2025.
Sa opisyal na pahayag ni Police General Rommel Francisco D Marbil, nakikiisa ang PNP sa pagdiriwang ng Araw ng Manggagawa—isang mahalagang pagkakataon upang kilalanin at parangalan ang lakas, talino, at dedikasyon ng bawat manggagawang Pilipino.
Samantala, nanawagan naman ang PNP sa iba’t ibang labor group na gunitain ang Araw ng Manggagawa ng payapa, sumunod sa alituntunin at gunitain ang mga ambag ng bawat manggagawang Pilipino tungo sa pag-unlad ng ating bansa.
Siniguro naman ng PNP ang kaligtasan ng bawat Pilipino sa patuloy na pagpapatupad ng batas at siguraduhin ang seguridad ng publiko mula sa anumang uri ng iligal na aktibidad, kriminalidad, terorismo at insurhensya.
