Timbog ang dalawang (2) Street Level Individual sa ikinasang buy-bust operation ng mga operatiba ng Tacloban City PNP sa Barangay 59 Picas Sagkahan, Tacloban City nito lamang Abril 28, 2025.
Kinilala ni Police Major Juan Eliezer A Abellon, Chief of Police ng Tacloban City Drug Enforcement Unit, ang mga suspek na sina alyas “Jah”, 26 anyos at alyas “Felix”, 19 anyos, pawang mga residente ng Barangay 59 Picas Sagkahan, Tacloban City.
Bandang 8:58 ng gabi nang ikasa ang operasyon ng mga tauhan ng Tacloban City Police Office – City Drug Enforcement Unit sa koordinasyon sa Philippine Drug Enforcement Agency 8.
Nakumpiska sa mga suspek ang limang (5) pakete ng hinihinalang shabu na may tinatayang timbang na 35 gramo na nagkakahalaga ng Php238,000, isang 500-peso bill kasama ang isang 1,000-peso bill bogus money at mga drug paraphernalia.
Mahaharap ang mga suspek sa kasong paglabag sa Section 5 at 11 Article II ng Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pagpapaigting ng Tacloban City PNP katuwang ang iba pang ahensya ng gobyerno sa kampanya laban sa ilegal na droga upang matiyak ang kaayusan at kapayapaan sa nasasakupan. Dahil sa Bagong Pilipinas, ang gusto ng pulis, ligtas ka!.
Panulat ni Patrolwoman Ma. Elena B Singian
