Dalawang indibidwal ang nasakote matapos maaktuhang gumagamit ng ipinagbabawal na droga sa isang communal toilet sa Barangay Libertad, Abulug, Cagayan, bandang 11:10 ng gabi noong Abril 29, 2025.
Ang matagumpay na anti-illegal drug operation ay isinagawa ng mga tauhan ng Abulug Police Station na nagresulta sa pagkakaaresto ng mga suspek na kinilalang si alyas “Jim”, 37, sales promoter, may asawa at si alyas “CJ”, 28, mekaniko, walang asawa, parehong mga residente ng Abulug, Cagayan.
Nakumpiska mula sa mga ito ang dalawang pirasong bukas na heat-sealed transparent plastic sachet na naglalaman ng pinaniniwalaang shabu, dalawang (2) pirasong aluminum foil strip na may bakas ng hinihinalaang shabu, dalawang pirasong improvised aluminum foil tooter, isang improvised aluminum foil burner, isang berdeng disposable lighter, at isang rolyo ng aluminum foil.
Batid ng Cagayano Cops nasa bawat operasyon laban sa ilegal na droga ay tagumpay ng buong komunidad at pinuri rin ang mabilis na aksyon ng PNP Abulug sa pagpapanatili ng kaayusan at kaligtasan sa kanilang nasasakupan.
Source: Abulug MPS
Panulat ni Pat Jerilyn Colico
