Arestado ang 42-anyos na lalaki na itinuturing na High Value Individual (HVI) matapos makumpiskahan ng iligal na baril at nasa Php30,000 halaga ng shabu sa kanyang tahanan sa Barangay Banayal, Tulunan, Cotabato nito lamang madaling-araw ng Lunes, Abril 21, 2025.
Kinilala ni Police Captain April Rose Rusina Soria, Officer-In-Charge ng Tulunan Municipal Police Station, ang suspek na si alyas “Ran”, 42 anyos, residente ng nasabing lugar.
Ayon kay PCpt Soria, isinilbi ang Search Warrant laban sa suspek katuwang ang mga tauhan ng Cotabato Police Provincial Intelligence Unit at PDEA 12.
Narekober sa loob ng tahanan ni Ran ang anim na sachet ng pinaniniwalaang shabu na may kabuuang bigat na 3.2 gramo na may tinatayang halaga na Php30,000 at isang .22 caliber revolver na kargado ng limang bala at nahaharap sa kasong paglabag sa Republic Act 9165 (Comprehensive Dangerous Drugs Act of 2002) at Republic Act 10591 (Comprehensive Firearms and Ammunition Regulation Act).
Patuloy na ipinapakita ng PNP ang buong lakas sa pagbabantay at pagtugis sa ilegal na droga at armas upang masiguro ang kapayapaan at seguridad ng bawat komunidad.
Panulat ni Pat Khnerwinn Jay Medelin
