Nasamsam ng mga awtoridad ang mahigit Php103,000 halaga ng hinihinalang shabu mula sa dalawang tulak sa inilunsad na buy-bust operation sa Sitio Pansang, Barangay Inayawan, Cebu City nitong ika-15 ng Abril 2025.
Kinilala ni Police Colonel Enrico Evangelista Figueroa, Acting City Director ng Cebu City Police Office, ang mga suspek na sina alyas “Bentong”, 34 taong gulang, at alyas “Nesyo”, 31 taong gulang, kapwa residente ng Sitio Sacred 1, Barangay Cogon Pardo, Cebu City.
Dakong alas-4:15 ng hapon nang magsagawa ng buy-bust operation ang mga operatiba ng Police Station 7, na kung saan naaresto ang nasabing mga suspek.
Nakuha mula sa mga suspek ang siyam na pakete ng hinihinalang shabu na aabot sa 15.24 gramo at may Standard Drug Price na Php103,632 at buy-bust money.
Mahaharap ang mga suspek sa kasong paglabag sa Section 5 at 11, Article II ng Republic Act 9165 o ang “Comprehensive Dangerous Drugs Act of 2002”.
Ang matagumpay na operasyon ay patunay lamang na ang mga kapulisan ay nagpapakita ng kanilang kakayahan at kasanayan sa pagsugpo ng iligal na droga at pagprotekta sa kaligtasan at kaayusan ng mamamayan para sa isang mapayapang Bagong Pilipinas.
