Aabot sa Php1.5M halaga ng Fully Grown Marijuana Plants ang binunot at sinunog ng mga awtoridad sa isinagawang marijuana eradication sa Sitio Lupa, Barangay Sudlon II, Cebu City noong Abril 11, 2025.
Ayon kay Police Lieutenant Colonel Ferdinand Casiano, hepe ng City Mobile Force Company, Cebu City Police Office, matagumpay na naisagawa ang operasyon sa pangunguna ng nasabing tanggapan, katuwang ang Regional Police Drug Enforcement Unit 7, Special Operations Unit 7 at Philippine Drug Enforcement Agency Regional Office 7.
Sa nasabing operasyon, natuklasan at binunot ang 7,000 stalks ng Fully Grown Marijuana Plants na may tinatayang halaga na Php1,500,000. Gayunpaman, walang nahuling cultivator sa lugar.
Agad namang sinunog sa mismong pinangyarihan ang mga tanim sa harap ng mga opisyal ng barangay at isang kinatawan mula sa media. Ang matagumpay na operasyong ito ay patunay sa patuloy na pagsisikap ng mga awtoridad sa pagsugpo sa iligal na droga bilang suporta sa kampanya ng pamahalaan tungo sa isang mas ligtas at maunlad
