Timbog ng mga awtoridad ang tinaguriang Top 4 Regional Most Wanted Person na may kasong Sexual Assault ng Southern Leyte sa Barangay Bayan Luma 8, Imus City, Cavite nito lamang Abril 13, 2025.
Kinilala ni Police Lieutenant Colonel Dexter V Edillo, hepe ng Southern Leyte Provincial Intelligence Unit, ang supek na si alyas “Michael”, 53 anyos at residente ng Barangay Bayan Luma 8, Imus City, Cavite.
Bandang 1:40 ng hapon nang maaresto ang suspek ng mga tauhan ng Southern Leyte Provincial Intelligence Unit, kasama ang Maasin City Police Station at Imus City Police Station sa bisa ng Warrant of Arrest para sa kasong Sexual Assault kaugnay sa Section 5 (B) ng Republic Act 7610 o “Special Protection of Children Against Abuse, Exploitation and Discrimination Act” na may inirekomendang piyansa na Php200,000 para sa pansamantalang kalayaan.
Patunay lamang na ang Pambansang Pulisya ay hindi nagpapabaya sa kanilang sinumpaang tungkulin na hulihin ang mga taong tiwalag sa batas upang mapanatiling ligtas ang komunidad ng sa gayon maipatupad ang kapayapaan ng bansa para sa ligtas at maunlad na Bagong Pilipinas.
