Isinagawa ang turnover ceremony ng walong Honda XR 150 motorcycles para sa Cotabato City Police Office, Tabunaway Boulevard, Cotabato City nito lamang ika-7 ng Abril 2025.
Pinangunahan ni Police Colonel Jibin M. Bongcayao, City Director ng Cotabato City Police Office, ang naturang seremonya na ipinagkaloob sa mga tauhan ng Mobile Patrol Unit at Traffic Enforcement Unit bilang bahagi ng pagpapalakas sa kakayahan ng pulisya sa pagtugon sa mga insidente sa lungsod.
Ang nasabing mobility assets ay mula sa tanggapan ni Police Brigadier General Romeo J. Macapaz, Regional Director ng Police Regional Office Bangsamoro Autonomous Region, na layuning paigtingin ang operasyon ng pulisya sa Cotabato City.
Ayon kay PCol Bongcayao, inaasahang mas mapapabilis ang response time ng kapulisan, mas mapapalakas ang community policing initiatives, at higit pang mapapaigting ang kaligtasan ng publiko sa lungsod sa tulong ng mga bagong kagamitan.
Panulat ni Patrolwoman Ma. Señora Agbuya
