Isinagawa ang isang makabuluhang programa sa Covered Court ng Dipolog City National High School sa Barra, Dipolog City, Zamboanga del Norte nito lamang ika-7 ng Abril 2025.
Ang aktibidad ay tinawag na “Ugnayan sa Paaralan/Kabataan” na ginawa sa pamamagitan ng isang lecture awareness para sa mga mag-aaral ng Grade 11 at Grade 12 ng Dipolog City National High School.
Pinangunahan ng mga tauhan ng Dipolog City Police Station sa pamumuno ni Police Lieutenant Colonel Edwin D Verzon, Officer-In-Charge, katuwang ang mga studyante at mga guro.
Layunin ng programang ito na bigyan ng sapat na kaalaman ang mga estudyante upang maiwasang maging biktima ng iba’t ibang uri ng pang-aabuso at krimen, gayundin ay palakasin ang kanilang kakayahan bilang mga tagapagtanggol ng kapayapaan at kaayusan. Isinusulong din nito ang pagiging aktibong pakikilahok ng PNP laban sa ilegal na droga, terorismo, at iba pang uri ng kriminalidad.
