Nirespondehan ng mga tauhan ng Sadanga Municipal Police Station katuwang ang Bureau of Fire Protection, Local Government Unit at ang komunidad sa naganap na aksidente sa Ampawilen, Poblacion, Sadanga, Mountain Province noong ika-4 ng Abril 2025.
Bandang 10:00 PM ng gabi nangyari ang naturang aksidente sa lugar na kung saan ay sumemplang ang isang Nissan Van na may plakang NDA 9883 sa isang 50-meter na matarik na bangin at nahulog sa ilog, na ikinamatay ng limang (5) indibidwal: tatlong (3) lalaki at dalawang (2) babae at siyam (9) na nasugatan na agaran namang nirespondehan ng mga tauhan ng istasyon kasama ang BFP at LGU ng nasabing lugar.
Ang mga biktima na idineklarang nasawi at ang mga nagtamo ng injury ay agarang isinugod sa Bontoc General Hospital, Bontoc, Mountain Province para mabigyan ng tulong medikal at agad namang sinuri ni Dr. Irene Limmayog.
Ipinapaalala ng awtoridad sa lahat ng mga manlalakbay na sundin ang mga ligtas na tips upang maiwasan ang mga di-kanais-nais na aksidente sa kalsada at maging maingat sa anumang oras para makaiwas sa anumang disgrasya at para na rin sa sariling kapakanan.
