Boluntaryong isinuko ng isang Barangay Kagawad ang isang baril sa mga awtoridad sa Norala Municipal Police Station, Barangay Poblacion Norala, South Cotabato nito lamang ika-4 ng Abril 2025.
Kinilala ni Police Major Jose Gole Jr., Acting Chief of Police ng Norala MPS, ang sumuko na si alyas “Ron”, isang Barangay Kagawad at residente ng Barangay Esperanza.
Bandang 12:30 ng hapon nang isinuko sa mga awtoridad ang isang unit ng homemade 20 Gauge break open hand gun bilang kampanya ng ipinagbabawal ang pagdadala ng baril ngayong election period.
Hinihikayat ng PNP na isuko sa mga awtoridad ang mga ilegal na kagamitan at makipag-ugnayan sa pulisya. Mahigpit na ipinatutupad ang gun ban ngayong panahon ng Election.
