Naaresto ng mga tauhan ng Candon City Police Station (CPS) ang isang Top 3 Most Wanted Person sa kasong Lascivious Conduct sa Barangay San Agustin, Candon City, Ilocos Sur bandang alas-1:25 ng hapon noong Abril 2, 2025.
Kinilala ni Police Lieutenant Colonel Rodel C Del Castillo, Chief of Police ng Candon City CPS, ang suspek na si alyas “Planet”, 22-anyos, isang construction worker, residente ng Barangay Bagani Campo, Candon City, Ilocos Sur, at itinuturing na Top 3 Most Wanted Person sa City Level.
Ayon kay PLtCol Del Castillo, ang pag-aresto ay isinagawa sa bisa ng Warrant of Arrest para sa kasong Lascivious Conduct sa ilalim ng Section 5 (B) ng Republic Act 7610 o ang “Special Protection of Children Against Abuse, Exploitation, and Discrimination Act” na may inirekomendang piyansa na nagkakahalaga ng Php200,000.
Samantala, patuloy ang maigting na kampanya ng kapulisan laban sa kriminalidad sa lungsod upang masiguro ang kaligtasan at katahimikan ng komunidad. Ang matagumpay na operasyon na ito ay patunay ng kanilang determinasyong panatilihin ang kapayapaan at kaayusan sa Candon City.
Source: Candon City Police Station
Panulat ni PSSg Johndel L Supremo
