Nakumpiska ang mahigit Php15,240,000 halaga ng mga smuggled na sigarilyo sa isinagawang operasyon ng mga tauhan ng Lanao del Norte Police Provincial Office sa Barangay Piraka, Sultan Naga Dimaporo, Lanao del Norte nito lamang ika-26 ng Marso 2025.
Kinilala ni Police Major Moamar M Solog, Chief of Police ng Sultan Naga Dimaporo Municipal Police Station, ang mga suspek na sina alyas “Al”, lalake at si alyas ” Bayan”, pawang mga residente ng nasabing barangay.
Nakumpiska ang mga kahon ng sigarilyo mula sa isang bahay at tumambad sa pulisya ang
190 kahon ng New Aris (red) at 191 kahon ng King Perfect.
Ang mga suspek ay nahaharap sa kasong paglabag sa Republic Act 10643 o Government Health Warning at RA 8293 o Intellectual Property Code.
Pinuri naman ni Police Brigadier General Jaysen C De Guzman, Acting Regional Director ng Police Regional Office 10, ang mga operating personnel para sa matagumay na pagkakakumpiska ng mga smuggled na sigarilyo. “PRO10 will continue to intensify efforts to intercept contraband and uphold the law across our jurisdiction. I urge the public to join us in this effort by staying vigilant and report any illegal activities to the authorities.”
