Lumahok ang Agusan del Norte Police Provincial Office (ADNPPO) sa isinagawang Caraga Region Joint Security Control Center (RJSCC) Command Conference bilang bahagi ng paghahanda para sa mas pinaigting na seguridad at kaayusan ng Halalan 2025 na ginanap sa San Jose, Dinagat Islands nito lamang Marso 26, 2025.
Dumalo sa aktibidad si Police Colonel April Mark C. Young, Provincial Director ng ADNPPO, kasama si Atty. April Joy P. Balano, COMELEC Election Officer ng Agusan del Norte.
Tinalakay sa pagpupulong ang detalyadong deployment, transportasyon, komunikasyon, at iba pang mga plano sa seguridad para sa nalalapit na National at Local Elections sa Mayo 12, 2025.
Kasama rin sa diskusyon ang pinakabagong updates tungkol sa election areas of concern at iba pang usapin sa seguridad, alinsunod sa Rule XVII ng COMELEC Resolution No. 11067.
Lumahok din sa nasabing pagpupulong sina COMELEC Regional Director Atty. Edwin O. Cadungog, Police Brigadier General Christopher N. Abrahano na kasalukuyang Regional Director ng PRO 13, limang Provincial Directors ng PRO 13, mga Brigade Commanders ng Philippine Army, at iba pang kinatawan mula sa COMELEC.
Tiniyak naman ni PCol Young ang maximum deployment ng mga pulis sa darating na halalan, lalo na sa pagbiyahe ng Vote Counting Machines (VCMs) at iba pang election paraphernalia.
“The AgNorte Police ensures maximum deployment of personnel during the upcoming election, especially on the scheduled transport of Vote Counting Machines and other election paraphernalia as we vow to protect every vote of the Filipino people,” ani PCol. Young.
Panulat ni Pat Karen Mallillin
