Nakatanggap ang Philippine National Police Academy (PNPA) ng isang Patient Transport Vehicle (PTV) sa tulong ng Philippine National Police Academy Alumni Association Inc. (PNPAAAI) mula sa Philippine Amusement and Gaming Corporation (PAGCOR) nito lamang araw ng Huwebes, ika-20 ng Marso 2025.
Ang nasabing PTV ay tinanggap ni USEC Gilbert DC Cruz, Chairperson ng Board of Trustees ng PNPAAAI mula kay Mr. Alejandro H. Tengko, ang Presidente ng PAGCOR.
Isinagawa ang pagturn-over ng nasabing PTV sa pamamagitan ng isang seremonya sa MET Live Building, Central Business Park 1-A, Macapagal Boulevard corner EDSA Extension, Pasay City, Metro Manila na dinaluhan ng ilang opisyal ng PAGCOR, PNPAAAI, PNPA, at PNP Health Service.
Ang nasabing Patient Transport Vehicle ay ibibigay din sa PNPA sa lalong madaling panahon at inaasahan na ito ay malaking tulong sa pagpapaunlad ng mga serbisyong medikal para sa mga kadete ng PNPA tungo sa isang mas maunlad na Bagong Pilipinas.
