Binigyang-pugay ni PNP Chief Police General Francisco D. Marbil sina late Police Staff Sergeants Dennis Cudiamat at PSSg Gian George Dela Cruz sa pamamagitan ng isang wake visit noong ika-15 ng Marso 2025 sa Barangay Matungao, Bulakan, Bulacan.
Ang pagbisita ay pagkilala sa di matatawarang kadakilaan ng dalawang pulis na nasawi sa kasagsagan ng isang buy-bust operation sa Bocaue, Bulacan noong ika-8 ng Marso 2025.
Kasama ng Hepe na bumisita sa burol ay sina PMGen Niel B. Alinsañgan, Direktor ng Directorate for Comptrollership; PBGen Jean S. Fajardo, Regional Director ng Police Regional Office 3; at PCol Satur L. Ediong, Provincial Director ng Bulacan PPO.
Bilang pagkilala sa sakripisyo at kabayanihan ng dalawang alagad ng batas, ginawaran sila ni PGen Marbil ng Medalya ng Kadakilaan para sa kanilang pambihirang katapangan.
Personal ding naiabot sa kani-kanilang mga pamilya ang tulong pinansyal mula sa Office of the Chief PNP at PSMBFI, kasama ng scholarship grant para masiguro ang pag-aaral ng kanilang mga anak.
Nagluluksa man ang bansa sa kanilang pagpanaw, mananatiling buhay sa kapulisan ang determinasyon at sakripisyo bilang tagapagpatupad ng batas.
