Isinagawa ang 1st Quarter Nationwide Simultaneous Earthquake Drill nito lamang Huwebes, ika-13 ng Setyembre, 2025 eksaktong 3:00 ng hapon sa Camp Gen Eduardo Batalla, RT Lim, Zamboanga City.
Ang aktibidad na ito ay pinangunahan ni Police Colonel Diomarie S Albarico, Chief ng Regional Police Community Affairs and Development Unit (RPCADU 9), na kinatawanan ni Police Colonel Erwin Bayani O Meneses, C RRSU9 katuwaang ang Bureau of Fire Protection at Zamboanga City Disaster Risk Reduction and Management Office na nagbigay ng mga mahalagang impormasyon at gabay tungkol sa mga dapat gawin bago, habang, at pagkatapos ng lindol.
Ang layunin ng drill ay upang mas mapabuti ang kahandaan ng PNP sa pagresponde sa mga sakuna, lalo na sa mga lindol na maaaring magdulot ng pinsala sa komunidad.
Sa pamamagitan ng pagsasanay na ito, nagkaroon ng pagkakataon ang mga kalahok na masanay sa tamang mga hakbang na dapat gawin sa oras ng emergency.
Nagkaroon ng pagsasabuhay ng sitwasyon tungkol sa kahandaan ng isang indibidwal sa oras ng sakuna lalo na ang lindol. Bukod pa dito, nagkaroon ng aktwal na pagresponde sa isang biktima at kung paano ito lulunasan ng first aid.
Ang buong partisipasyon ng mga nakilahok ay isang patunay na nagpapakita ng pagtutulungan tungo sa maayos na pagsasagawa ng isang aktibidad katulad nito.
Ang aktibidad ay hindi lamang nakatuon sa mga pulis kundi pati na rin sa iba pang ahensya ng gobyerno at mga komunidad, na nagbigay-diin sa kahalagahan ng pagtutulungan sa panahon ng krisis.
Ito ay bahagi ng mas malawak na programa ng pamahalaan upang mapalakas ang disaster preparedness at resiliency ng bansa, na mahalaga lalo na sa mga lugar na madalas tamaan ng lindol. Hinimok din ang mga nakilahok na mas maging mapagmatyag at maging handa sa lahat ng pagkakataon tungo sa mas ligtas, masaya, at maunlad na Bagong Pilipinas.
Panulat ni Pat Joyce Franco
