Matagumpay na isinagawa ang Peace Covenant Signing at Unity Walk bilang isang mahalagang hakbang upang matiyak ang isang mapayapa, maayos, at patas na halalan na ginanap sa Eduardo F Chakiton Memorial Gymnasium Barangay Digumased, Dinapigue, Isabela nito lamang Marso 14, 2025.
Dinaluhan ito ng mga kandidato mula sa iba’t ibang posisyon, mga kinatawan ng Commission on Elections (COMELEC), Philippine National Police (PNP), Armed Forces of the Philippines (AFP), Isabela Maritime Law Enforcement Team, Philippine Coast Guard (PCG), Bureau of Fire Protection (BFP), Barangay officials at mga opisyal ng lokal na pamahalaan.
Nagsimula ang programa sa isang panalangin ng iba’t ibang pananampalataya, sinundan ng Unity Walk, at natapos sa Peace Covenant Signing, kung saan pormal na nangako ang mga kandidato na magiging tapat at responsable sa kanilang pangangampanya.
Layunin ng aktibidad na tiyakin ang pagkakaisa ng mga kandidato para sa isang malinis, ligtas, payapa, at maayos na National and Local Elections 2025.
Source: Dinapigue PNP
Panulat ni Police Staff Sergeant Jermae Javier
