Arestado ang isang Newly Identified Drug Suspect sa isinagawang joint buy-bust operation ng Provincial Drug Enforcement Unit, Bukidnon Provincial Intelligence Unit katuwang ang Valencia City Police Station sa Barangay Lumbo, Valencia City, Bukidnon nito lamang ika-13 ng Marso 2025.
Kinilala ni Police Lieutenant Colonel Bryan M Panganiban, Officer-In-Charge ng Valencia CPS, ang drug suspect na si alyas “Aldrin”, lalaki, walang trabaho at residente ng Barangay Bagontaas, Valencia City, Bukidnon.
Sa ikinasang joint buy-bust operation bandang 8:00 ng gabi ay nagresulta sa pagkakakumpiska ng apat na pakete ng hinihinalang shabu na may Standard Drug Price na Php40,880, isang cellphone at isang Php500 bill na ginamit bilang buy-bust money.
Ang suspek ay nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Pambansang Pulisya ay hindi titigil sa pagpapaigting kontra iligal na droga para sa seguridad at kaligtasan ng komunidad.
