Timbog ang isang Street Level Individual matapos mahulihan ng hinihinalang shabu sa inilunsad na buy-bust operation ng Cebu City PNP sa Sitio Sacred Heart 2, Barangay Cogon Pardo, Cebu City bandang 5:10 ng hapon noong ika-11 ng Marso 2025.
Kinilala ni Police Captain Christian Darcy Fat, Officer-In-Charge ng Police Station 7, Cebu City Police Office, ang suspek na si alyas “Suwang”, 34-anyos, residente ng Sitio Sacred Heart 1, Barangay Cogon Pardo, Cebu City.
Narekober mula sa pag-iingat ng suspek ang siyam (9) na pakete ng hinihinalang shabu na tinatayang nasa 10.28 na gramo at may Standard Drug Price na Php69,904 at buy-bust money.
Kasalukuyang nasa kustodiya na ng pulisya ang suspek habang inihahanda ang mga kasong may kinalaman sa paglabag sa Republic Act 9165 o ang “Comprehensive Dangerous Drugs Act of 2002”.
Patuloy ang Cebu City PNP sa pinaigting nitong kampanya laban sa ilegal na droga, kasabay ng suporta ng komunidad upang makamit ang isang ligtas at maayos na Bagong Pilipinas.
Source: CCPO SR
