Naaresto ng mga tauhan ng City Intelligence Unit (CIU) ng Bacolod City Police Office sa ilalim ng pamumuno ni PLtCol Antonio Benitez Jr., Chief, CIU, katuwang ang Bacolod City Police Station 5, ang isang Rank 2 Regional Most Wanted Person sa Magsaysay St., Barangay Singcang Airport, Bacolod City, nito lamang ika-11 ng Marso 2025.
Kinilala ang suspek na si alyas “Paulo,” isang 20 taong gulang na lalaki, na itinuturing na Rank 2 Most Wanted Person sa Regional Level, Rank 7 Most Wanted Person sa City Level, at Rank 1 Most Wanted Person sa Station Level dahil sa kasong Rape.
Naaresto ang suspek sa bisa ng Warrant of Arrest na walang inirekomendang piyansa ang korte para sa kanyang pansamantalang kalayaan.
Patuloy na nagpapaalala ang Bacolod City Police Office sa mga mamamayan na maging alerto at magbigay ng impormasyon upang mapanatili ang kaligtasan at kaayusan sa kanilang komunidad.
