Arestado ng kapulisan ng Sta. Catalina ang Top 1 Municipal Most Wanted Person na may kasong Qualified Rape sa isinagawang operasyon sa Barangay Poblacion, Sta. Catalina, Negros Oriental, noong ika-9 ng Marso 2025.
Kinilala ni Police Captain Edjel B Tablate, Officer-in-Charge ng Sta. Catalina Municipal Police Station, Negros Oriental Police Provincial Office, ang suspek na si “Marlon”, nasa legal na edad at residente ng Sitio Talayong, Barangay Caigangan, Sta. Catalina, Negros Oriental.
Bandang 8:13 ng gabi ng maaresto ng kapulisan ang suspek sa bisa ng Warrant of Arrest para sa kasong Qualified Rape sa isang menor de edad na walang rekomendadong piyansa.
Ang Sta Catalina PNP ay patuloy sa masigasig nitong operasyon sa pagtugis sa mga kriminal upang tiyak na mapanagot sa batas dahil sa Bagong Pilipinas, ang gusto ng Pulis, ligtas ka.
Source: Sta Catalina MPS SR
