Bilang kahandaan sa anumang uri ng kalamidad ay nagsagawa ang Cagayan PNP ng inspeksyon sa mga kagamitan tulad ng life vests, lubid, flashlight, megaphone, at iba pang gamit na kinakailangan sa pagsagip ng mga apektadong residente sa Barangay Northeast Solana, Cagayan bandang hapon ng ika-8 ng Marso 2025.
Pinangunahan ni Police Staff Surgent Hildelita T. Bala, Pulis Sa Barangay (PSB) ng Solana Police Station, Cagayan Police Provincial Office, kasama ang mga opisyal ng Barangay Centro Northeast, Solana, Cagayan.
Ang layunin ng aktibidad ay tiyakin ang maayos na kondisyon at kakayahang magamit ng mga Search and Rescue (SAR) equipment sa panahon ng sakuna at kalamidad.
Siniguro rin na nasa maayos na imbakan ang mga ito upang madaling makuha kung kinakailangan. Ang ganitong hakbang ay bahagi ng paghahanda ng barangay upang mapanatili ang kaligtasan ng mamamayan.
Pinuri rin niya ang aktibong pakikiisa ng mga opisyal ng barangay sa pagsisikap na mapanatili ang kahandaan ng kanilang komunidad.
Ang inspeksyon ng SAR equipment ay isang patunay ng pagtutulungan ng kapulisan at barangay sa pagpapatibay ng kahandaan sa anumang kalamidad. Upang masiguro ang mabilis na pagresponde sa oras ng pangangailangan.
Source: Solana PS Pcr
Panulat ni Pat Wendy G Rumbaoa
