Arestado ang 13 mangingisda sa isinagawang joint operation against illegal fishing ng mga operatiba ng Governor Generoso Municipal Police Station katuwang ang Municipal Fisheries Law Enforcement Team 6.3 neutical miles mula sa baybayin ng Barangay Nangan, Governor Generoso, Davao Oriental nito lamang Marso 4, 2025.
Kinilala ni Police Captain Joeffre Q Narido, Officer-In-Charge ng Governor Generoso Municipal Police Station, ang mga suspek na sina alyas “Jhon”, “Adones”, “Chrisdave”, “Ricardo”, “Romaroco”, “Ruel”, “Aris”, “Angelito”, “Alfredo”, “Reynaldo”, “Mario”, “Jayson” at “Jaypee”.
Mahaharap ang mga suspek sa kasong paglabag sa Republic Act 10654 o “An Act to Prevent, Deter and Eliminate Illegal, Unreported and Unregulated Fishing”, Amending Republic Act No. 8550 o “The Philippine Fisheries Code of 1998”.
Patuloy namang tinitiyak ng Police Regional Office 11, ang pagsasagawa ng mga regular na operasyon upang matiyak ang pagsunod sa mga umiiral na batas na mahalaga sa pangangalaga ng mga likas na yaman at napapanatiling maayos at payapa ang komunidad.
Panulat ni Pat Shairra Rose A Aquino
