Narekober sa buy-bust operation ng mga operatiba ng Station Drug Enforcement Unit (SDEU) ng Taguig City Police Station ang tinatayang Php356,000 halaga ng shabu mula sa isang High Value Individual (HVI) sa Barangay Pinagsama, Taguig City nito lamang Linggo, Marso 2, 2025.
Kinilala ni Police Brigadier General Manuel Abrugena, District Director ng Southern Police District, ang suspek na si alyas “Toto,” 57-anyos na lalaki, residente ng nasabing lugar, at nakalista bilang High Value Individual.
Narekober ng Taguig PNP ang anim na heat-sealed transparent plastic sachets at isang knot-tied transparent plastic bag na naglalaman ng hinihinalang shabu, na may kabuuang timbang na 52.40 gramo at nagkakahalaga ng Php356,320, isang Php500 bill na ginamit sa buy-bust operation, anim na piraso ng Php1,000 boodle money na ginamit para sa entrapment, at isang black eyeglass case.
Nahaharap ang suspek sa kasong paglabag sa Sections 5 at 11, Article II ng Republic Act 9165, na kilala rin bilang “Comprehensive Dangerous Drugs Act of 2002”.
“Ang matagumpay na operasyong ito ay nagbibigay-diin sa dedikasyon ng Southern Police District sa pagkuha ng mga target na may mataas na halaga at pagtiyak na maibibigay ang hustisya. Ito rin ay nagmamarka ng isang mahalagang tagumpay sa patuloy na paglaban sa krimen at pangangalaga sa kaligtasan ng publiko,” ani PBGen Abrugena.
Source: SPD PIO
Panulat ni PMSg Gargantos, RM
