Arestado ang anim na kalalakihan matapos makuhanan ng pinaghihinalaang shabu, homemade shotgun at mga bala sa ikinasang anti-narcotics buy-bust operation ng PNP sa Purok Masayahin, Barangay San Jose, Puerto Princesa, nito lamang ika-22 ng Pebrero 2025.
Kinilala ang mga naaresto na sina Jefrey Calderon De Jesus alyas “Tol”, nakatala bilang Street Level Individual, 44 anyos, may asawa, salesman; Darius De Guzman Decolongon, nakatala bilang High Value Individual, 44 anyos, walang trabhao; Bonifacio Dorado Camposano, nakatala bilang High Value Individual, 42 anyos, mangingisda at mga residente ng Barangay San Jose, Puerto Princesa; Melchor Camposano Abrena, nakatala bilang High Value Individual, 39 anyos, may asawa, businessman, residente ng Barangay San Manuel, Puerto Princesa; Chester De Ocampo Arenas, nakatala bilang High Value Individual, 41 anyos, tricycle driver, residente ng Barangay Mandaragat, Puerto Princesa; at Joel Gueban Almojuela, Newly Identified drug personality, 44 anyos, vendor, residente ng Barangay Irawan, Puerto Princesa.
Sa joint operation ng PNP City Intelligence Unit, PDEA Palawan, nabilihan ang isa sa mga suspek ng isang pakete ng shabu. Habang nakuha sa pangangalaga nina De Jesus at Arenas ang tag-iisang pakete ng shabu. Isang homemade shotgun at isang bala naman sa pangangalaga ni Abrena. Nakuha rin sa mga ito ang tatlo (3) pang improvised water pipe at sa kabuuan ay nagtitimbang naman ng 1.9 gramo ang lahat ng illegal drugs na nakuha sa kanila na may estimated market value na Php12,920.
Sa patuloy na pangtutulungan ng mga ahensya ng gobyerno ay pinapaigting ang kampanya laban sa mga gumagamit at nagbebenta ng ilegal na droga upang masiguro ang kaayusan sa kanilang nasasakupan
Source: XFM Palawan
Panulat ni Patrolwoman Ana Rose D Guadaña
