Tinatayang Php5.8 milyong halaga ng mga smuggled cigarettes ang nasabat ng mga tauhan ng 2nd Special Operations Unit-Maritime Group (2nd SOU-MG) Palawan sa loob ng ininspeksyon nilang lantsa na pangalang ‘MJ Princess Arhni’ sa karagatan ng Barangay Tinitian, Roxas, Palawan nito lamang ika-21 ng Pebrero 2025.
Nagsasagawa ng anti-smuggling operation ang PNP Maritime nang silipin ang loob ng lantsa ay doon na nila nakita ang 93 na karton ng imported Fort White na sigarilyo.
Nang hanapan ng mga legal na dokumento ay walang naipakita ang anim na tripulante ng lantsa dahilan para sila ay arestuhin ng Maritime police.
Source: The Palawan News
Panulat ni Patrolwoman Ana Rose D Guadaña
